Прилеп, Македонија

ПРИЛЕП е познат по разнобројни манифестации како: пивофестот, театарските игри и слично. Прилеп е исклучително познат и по скарата, која е најубава на Балканот. Се прави плескавица, македонка, ловечка, но најпознато месо е Прилепскиот ширден Ширден  е македонско традиционално јадење, симбол на  кулинарството  во  Прилеп . Во некои краеви на  Македонија  ова  јадење  се нарекува и  сириштето на јагнето . Зборот ширден потекнува од истоимениот турски збор  şirden , што го означува четвртиот дел од  желудникот  на  преживарите . За прилепскиот ширден најчесто се користи внатрешниот орган на младо  јагне  кој претставува продолжение на желудникот. Традиционално се користат 3 вида месо ( јагнешко ,  телешко  и  свинско ),  ориз  и разни  зачини . Покрената е иницијатива за брендирање на  овој кулинарски специјалитет во Прилеп.

Прилепското Езеро  е лоцирано во месноста Гладно Поле  во непосредна близина на Прилеп . Ваквата географска положба овозможува ова езеро да биде рекреативен центар и туристички мотив. Езерото е изградено на Оревоечка Река во 1967 год. и од тогаш се користи за наводнување и како технолошка вода.   Тоа зафаќа површина од 0,54 km². Долго е 1,4 km, а широко 400 до 600 m. Најголема длабочина му е 28 m. Во езерото можат да се акумулираат 6.000.000 m 3  вода.  Под езерото се наоѓа потопеното село Пештерица.

МАРКОВИ КУЛИ е локалитет кој се наоѓа во централниот дел на Македонија, во непосредна близина на градот Прилеп. На 10 Април, 2006 година, локалитетото е прогласен за Споменик на природата. Составен е од бројни денудациони форми коишто претставуваат извонредна скулптура на релјефот. Оваа феноменална појава на богатство на облици, се должи, пред се, на геолошкиот состав на теренот (кој е изграден од метаморфни карпи, наречени гнајсеви кои се пробиени од помладите гранити- наречени гранодиорити), климата, релјефот и растителната покривка. Според современите геохронолошки испитувања, гранитите интрудирале пред околу 300 милиони години во постарите гнајсеви, чија старост е проценета на околу 700 милиони години. Просторот на Маркови Кули, во целина, го сочинуваат поголем број импозантни грамади поврзани во две паралелни низи со правец на протегање север-северозапад, југ-југоисток, чија надморска висина постепено се зголемува од југ кон север. Двете низи грамади во северниот дел се с...